Gynau 5 lōt tymu (24.01.2020) żech sie znōd we Jordanii na pustyni Wadi Rum.
Misiezdo, iż to je jedne ze nojgryfniejszych i nojciekawszych miejsc na Ziymi. Doś pedzieć, iż prawie tam krynciyli Gwiezdne Wojny i Diuna, a pomiędzy nimi pewnie s tuzin inkszych filmōw.
 |
| Tak sam furgoł mody Anakin Skywalker na wyścigach podracerów |
My jeździyli po pustyni ôtwartymi jeepami. To nic, iż piōsek właziōł wszyndzie. To bōła jazda! A landszafty przecudne!
 |
| Ale jazda! |
Jakby tego bōło mało, jak na pustynia przistało, wsiedli my na kamele i ruszyli dalij.
 |
| Mōmy ôba tako samo mina |
Pacza tak tera na te fotki sprzed 5 lōt i trza pedzieć, iż niy wiym wiela to bōło kilometrōw, ale prawie godzina żech na tyj gryfnyj kameli siedziōł.
Jak sie dziś to spōminōm, to jeszcze tera się niy umia nacieszyć, iż mi się cosik takigo w życiu przidarzōło. Jezderkusie, jõ to mōm szczyńście!
 |
| Karawana dalij |
 |
| Karawana bliżyj |
A swojōm drogōm to dōwnō żech sam niy szkryflōł po ślōnsku, a to przeca tak samo dobry jynzyk jak polski czy arabski.
Ôstōńcie s Bogiym!
![ROZDZIELENIE. Thriller science fiction powraca w drugim sezonie [recenzja odc. 1-2]](https://film.org.pl/wp-content/uploads/2022/04/severance-1.jpg)
